Zelenskiy 1943-yilda Kiyevning fashistlardan ozod etilishini SSSR shafqatsizligining tarixi deb atadi

Ukraina prezidenti Vladimir Zelenskiy 1943-yilda Kiyevning fashistlardan ozod etilishini yodga olar ekan, Sobiq Ittifoq rahbariyati yo‘qotishlar statistikasini yetarlicha baholashni istamagani uchun ularni shafqatsizlik va befarqlikda aybladi. Bu haqda Zelenskiy Telegram’da yozgan.

Zelenskiyning so‘zlariga ko‘ra, talаfоtlar statistikasini yomonlashtirmaslik uchun odamlar harbiy amaliyotga dala harbiy xizmatga chaqiruv bo‘limlari orqali safarbar qilingan, ular harbiylar ro‘yxatga kiritilmagan”. Shuningdek, Zelenskiyning aytishicha, ular “o‘ta yomon qurollangan”.

Uning ta’kidlashicha, rasmiy ma’lumotlarda Dnepr uchun kechgan jangda 417 ming kishi halok bo‘lgani aytilgan bo‘lsa, bir qator tarixchilarning tadqiqotlari va hisob-kitoblari aslida bu raqam ikki barobar ko‘p ekanini isbotlaydi. Kiyev uchun janglarda 240 minggacha odam halok bo‘lgan, deya qo‘shimcha qildi Zelenskiy.

Prezidentning ta’kidlashicha, halok bo‘lganlar orasida Ukrainada urushga safarbar qilinib, harbiy formasiz jang qilgan, tayyorgarlikdan o‘tmagan va yomon qurollangan erkin fuqarolar ko‘p edi. Uning so‘zlariga ko‘ra, ular “ochiqdan-ochiq o‘limga” yuborilgan.

Ukraina prezidentining ta’kidlashicha, haqiqiy davlat uchun inson hayoti eng oliy qadriyat, “jonsiz mashina” uchun esa inson “faqat yoqilg‘i” va resursidir.

Bunday mashinaga yarim million odamning o‘limi sezilmasligi mumkin, deya qo‘shimcha qildi Zelenskiy. “U bunday dahshatli narxni osongina to‘lashga tayyor, chunki rahbariyatning xarxashasi bor — Oktabr inqilobi yilligiga qadar Kiyevni ozod qilish”, — deya xulosa qildi Ukraina prezidenti.

“1943-yil 6-noyabrda Ukraina poytaxti fashist bosqinchilaridan qanday narx evaziga ozod qilinganini hech qachon unutmaymiz. Kiyevning ozod etilishi — bu katta rahbarlarning cheksiz befarqligi va shafqatsizligi hamda shaharni fashistlardan ozod qilgan buyuk jangchilarning cheksiz jasorati tarixidir”, — deb yozgan Zelenskiy Telegram’da.

Oktabr oyida Ukraina Milliy xavfsizlik va mudofaa kengashi “Ulug‘ Vatan urushi” atamasidan voz kechib, uni “Ikkinchi jahon urushi” va “Sovet-German urushi” atamalari bilan almashtirishni taklif qildi.

Bu o‘zgarishlar “Qrim va Donbass viloyatlarining bosib olinishi munosabati bilan” foydalanish uchun tavsiya etilgan nomlar va atamalar lug‘atiga kiritildi. Hozir “Ulug‘ vatan urushi” atamasi lug‘atda “feyk/ klishe” sifatida keltirilgan.

1943-yil 24-avgustdan 23-sentabrgacha Dnepr uchun kechgan jangda Sovet qo‘shinlari Ukrainaning o‘ng qirg‘og‘i hududida bir nechta ko‘priklarni egallab olishga muvaffaq bo‘lgan. Kiyev hujumi operatsiyasi 1943-yil 3-noyabrdan 13-noyabrgacha olib borilgan, natijada Kiyev (6-noyabr) va Jitomir (13-noyabr) fashistlardan ozod qilingan.