Amerikaning Kolumbiya universitetiga portlash tahdidi haqida xabar kelib tushgan, ta’lim muassasasi rahbariyati fuqarolardan maxsus bildirishnoma e’lon qilinmagunga qadar universitet shaharchasi hududiga kelmaslikni so‘radi. Bu haqda universitetning Twitter sahifasida e’lon qilingan, deb xabar beradi “RBK”.
“Nyu-York politsiyasi tegov o‘tkazmoqda. Navbatdagi bildrishnomaga qadar ushbu hududga yaqin kelmang”, — deyiladi xabarda.
Hududni tekshirib chiqqan politsiya tahdidni ishonchsiz deb topgan, keyinroq universitet kampus binosiga evakuatsiyadan so‘ng yana kirish mumkinligini ma’lum qilgan.
Bu kabi portlash tahdidlarini Amerikaning yana ikki universiteti olgan. Braun universiteti matbuot kotibi Brayan Klarkning The Hill nashriga ma’lum qilishicha, tahdid telefon orqali bildirilgan va shundan so‘ng ta’lim muassasasi rahbariyati universitetga qarashli Grin kolleji yaqinidagi bir nechta binolarda bo‘lgan fuqarolarni evakuatsiya qilish bo‘yicha qaror qabul qilgan. “Universitet xodimlari mahalliy huquq-tartibot organlari bilan hamkorlikda faol ravishda tergov o‘tkazmoqda”, — deya qo‘shimcha qiladi u.
Kornell universiteti esa Twitter’dagi sahifasi orqali talabalar va Itaka kampusidagi xodimlarni markaziy kampusga yaqinlashmaslikka chaqirgan. “Yuridik maktab, Goldvin Smit, Apson-xoll va Kennedi-xol yoki ular yaqinidagi hududlarni evakuatsiya qiling”, — deyiladi xabarda. Evakuatsiya ishlari portlash tahdidi sabab tashkillashtirilgan, xavfsizlik xizmati xodimlari surishtiruv o‘tkazgan. Keyinroq kampus hududini ko‘zgan kechirgan hudud-tartibor organi xodimlari tahdid ishonchsiz degan xulosaga kelgan.
Eslatib o‘tamiz, 20-sentabr kuni ertalab Rossiyaning Perm davlat milliy tadqiqot universitetiga qurollangan shaxs hujum qilgandi. 18 yoshli Timur Bekmansurov 20-sentabr kuni ertalab Perm davlat milliy tadqiqot universitetida otishma sodir etgandi. Hodisada olti kishi halok bo‘lgan. Keyinroq otishmani sodir etgani fuqaro oyog‘idan jarohat olgan va chap oyog‘i tizzasigacha kesib tashlangan edi.
Izoh (0)