Американинг Колумбия университетига портлаш таҳдиди ҳақида хабар келиб тушган, таълим муассасаси раҳбарияти фуқаролардан махсус билдиришнома эълон қилинмагунга қадар университет шаҳарчаси ҳудудига келмасликни сўради. Бу ҳақда университетнинг Twitter саҳифасида эълон қилинган, деб хабар беради «РБК».
«Нью-Йорк полицияси тегов ўтказмоқда. Навбатдаги билдришномага қадар ушбу ҳудудга яқин келманг», — дейилади хабарда.
Ҳудудни текшириб чиққан полиция таҳдидни ишончсиз деб топган, кейинроқ университет кампус биносига эвакуациядан сўнг яна кириш мумкинлигини маълум қилган.
Бу каби портлаш таҳдидларини Американинг яна икки университети олган. Браун университети матбуот котиби Брайан Кларкнинг The Hill нашрига маълум қилишича, таҳдид телефон орқали билдирилган ва шундан сўнг таълим муассасаси раҳбарияти университетга қарашли Грин коллежи яқинидаги бир нечта биноларда бўлган фуқароларни эвакуация қилиш бўйича қарор қабул қилган. «Университет ходимлари маҳаллий ҳуқуқ-тартибот органлари билан ҳамкорликда фаол равишда тергов ўтказмоқда», — дея қўшимча қилади у.
Корнелл университети эса Twitter’даги саҳифаси орқали талабалар ва Итака кампусидаги ходимларни марказий кампусга яқинлашмасликка чақирган. «Юридик мактаб, Голдвин Смит, Апсон-холл ва Кеннеди-хол ёки улар яқинидаги ҳудудларни эвакуация қилинг», — дейилади хабарда. Эвакуация ишлари портлаш таҳдиди сабаб ташкиллаштирилган, хавфсизлик хизмати ходимлари суриштирув ўтказган. Кейинроқ кампус ҳудудини кўзган кечирган ҳудуд-тартибор органи ходимлари таҳдид ишончсиз деган хулосага келган.
Эслатиб ўтамиз, 20 сентябрь куни эрталаб Россиянинг Перм давлат миллий тадқиқот университетига қуролланган шахс ҳужум қилганди. 18 ёшли Тимур Бекмансуров 20 сентябрь куни эрталаб Перм давлат миллий тадқиқот университетида отишма содир этганди. Ҳодисада олти киши ҳалок бўлган. Кейинроқ отишмани содир этгани фуқаро оёғидан жароҳат олган ва чап оёғи тиззасигача кесиб ташланган эди.
Изоҳ (0)