Самарқанд вилоятида 2021 йилда 30 та ҳолатда мактаб ўқувчилари томонидан жиноятлар содир этилган. 2021 йилда 235 нафар мактаб ўқувчилари ички ишлар органлари томонидан профилактик ҳисобга олинган. Бу ҳақида вилоят халқ таълим бошқармаси бошлиғи Зебинисо Шодиева билан бўлиб ўтган матбуот анжуманида маълум қилинди.
Тизимда бу каби камчиликларга йўл қўйиб, ўз лавозим вазифаларини лозим даражада бажармай, масъулиятсизлик қилиб келаётгани учун 1 нафар туман Халқ таълими бўлими шўъба раҳбари, 2 нафар мактаб директорлари, 1 нафар директор ўринбосари, 4 нафар мактаб психологлари билан тузилган меҳнат шартномалари бекор қилинган.
Шунингдек, 2 нафар мактаб директорларига нисбатан Меҳнат кодексининг 181-моддаси 2-бандига асосан ўртача ойлик иш ҳақининг 30 фоиздан ортиқ бўлмаган миқдорда интизомий жазо чораси қўлланилган. Бир нафар туман Халқ таълими бўлимининг шўъба раҳбари, 25 нафар мактаб директорлари, 8 нафар директор ўринбосарлари, 6 нафар синф раҳбарларига нисбатан Меҳнат Кодексининг 181-моддаси, 1-бандига (меҳнат интизомини бузиш) асосан «ҳайфсан» интизомий жазо чораси қўлланилган.
Изоҳ (0)