Agar mobil qurilma O‘zbekiston Respublikasi hududida xarid qilingan bo‘lsa, iste’molchi IMEI kodini ro‘yxatdan o‘tkazish uchun to‘lovni amalga oshirishi shart emas. IMEI kodini ro‘yxatdan o‘tkazish bo‘yicha mas’uliyat mahsulotlarni qonuniy ravishda mamlakatga olib kirgan importyor (sotuvchi) yoki mahalliy ishlab chiqaruvchi korxona zimmasiga, agar mobil qurilmalar shaxsiy ehtiyojlar uchun olib kirilgan bo‘lsa, belgilangan tartibda jismoniy shaxslar zimmasiga yuklatiladi.
Mobil qurilmani xarid qilish vaqtida uning ro‘yxatdan o‘tganlik holatini uzimei.uz saytiga tashrif buyurish, USSD yoki SMS so‘rov yuborish yoki UzIMEI tizimi operatorining rasmiy ro‘yxatdan o‘tkazish punktiga murojaat qilish orqali tekshirish mumkin.
Firibgarlik holatlariga yo‘l qo‘ymaslik maqsadida, chet eldan olib kelingan (yoki pochta jo‘natmasi orqali olingan) shaxsiy mobil qurilmalarning IMEI kodlarini faqat UzIMEI tizimining rasmiy ro‘yxatga olish punktlarida ro‘yxatdan o‘tkazishni tavsiya qilamiz.
Mobil qurilmalarning IMEI kodlarini ro‘yxatdan o‘tkazish tizimi qurilmangizni va, ayniqsa, shaxsiy ma’lumotlaringizni uchinchi shaxslarning harakatlaridan himoya qilishga yo‘naltirilgan yagona apparat himoyasidir.
UzIMEI tizimining asosiy maqsadi, iste’molchilar huquqlarini himoya qilish, shuningdek, mamlakatga sifatsiz mobil qurilmalarning olib kirilishi va sotilishining oldini olishdan iborat.
Ro‘yxatga olish tizimini takomillashtirish hamda aniqlangan jinoyat va huquqbuzarliklarni bartaraf etish bo‘yicha tizim operatori va huquqni muhofaza qiluvchi idoralar tomonidan keng ko‘lamli hamda doimiy ishlar amalga oshirilmoqda.
Ro‘yxatdan o‘tish bilan bog‘liq muammolarni hal qilishni taklif etayotgan yolg‘on reklamaga ishonmang.
Aldanib qolmang!
Agar pasport ma’lumotlaringizni uchinchi shaxslarga ixtiyoriy ravishda taqdim etsangiz, tizim operatori ro‘yxatga olish bilan bog‘liq muammolarni o‘z zimmasiga olmaydi.
Pasport ma’lumotlarini noma’lum shaxsga taqdim etayotganingizda, sizning pasport ma’lumotlaringiz qonunbuzar shaxslar tomonidan boshqa maqsadlarda foydalanilishi xavfi mavjudligini tushunishingiz lozim.
Shuning uchun ro‘yxatga o‘tishni UzIMEI’ning ishonchli vakillari yoki uzimei.uz sayti orqali bevosita amalga oshirishni tavsiya qilamiz.
Mobil qurilmalarni ro‘yxatdan o‘tkazishni soddalashtirish bo‘yicha UzIMEI tizimi operatori tomonidan bir qator ishlar amalga oshirilmoqda, biroq to‘lovlarni bekor qilishning iloji yo‘q. Ushbu tizimni joriy etishdan maqsad, iste’molchilar huquqlarini himoya qilish, sifatsiz mobil qurilmalarning olib kirilishi va noqonuniy aylanmasining oldini olishdan iborat.
Yaqinda mobil qurilmaning IMEI kodi qanday ro‘yxatga olinganligini aniqlashga qaratilgan funksiya ishga tushirildi.
Sotib olingan mobil qurilmaning IMEI kodini tekshirishda siz ikki turdagi javobni olishingiz mumkin.
Mobil qurilmani xarid qilishdan oldin uning IMEI kodini uzimei.uz rasmiy sayti, SMS yoki USSD so‘rov orqali tekshirish tavsiya etiladi. Quyidagi kabi javob olinganda, mobil qurilma rasmiy ravishda O‘zbekistonga keltirilgan hisoblanadi.
1. Mobil qurilmani xarid qilishdan oldin uning IMEI kodini uzimei.uz rasmiy sayti, SMS yoki USSD so‘rov orqali tekshirganingizda, ushbu mobil qurilmani sotib olish tavsiya etilishi (ushbu mobil qurilma O‘zbekistonga rasman olib kelinganligi) haqidagi javobni olasiz.
2. Mobil qurilmani xarid qilishdan oldin uning IMEI kodini uzimei.uz rasmiy sayti orqali tekshirish uchun sizda SMS yoki USSD so‘rov yuborish imkoniyati mavjud, so‘ngra sizga ushbu mobil qurilmani sotib olish tavsiya etilmasligi haqida javob keladi. Ushbu mobil qurilma jismoniy shaxsning pasport ma’lumotlaridan foydalangan holda shaxsiy foydalanish uchun ro‘yxatga olingan bo‘lsa, pasport egasining iltimosiga binoan tizimdan olib tashlanishi mumkin.
Shuni yodda tutish kerakki, IMEI kodlarni ro‘yxatdan o‘tkazish uchun to‘lovni mahsulotlarni mamlakatga qonuniy ravishda olib kiruvchi importyorlar, mahalliy ishlab chiqaruvchilar yoki telefonlarni o‘z ehtiyojlari uchun belgilangan tartibda olib kiruvchi jismoniy shaxslar amalga oshiradilar.
Reklama huquqi asosida.
Izoh (0)