Агар мобил қурилма Ўзбекистон Республикаси ҳудудида харид қилинган бўлса, истеъмолчи IMEI кодини рўйхатдан ўтказиш учун тўловни амалга ошириши шарт эмас. IMEI кодини рўйхатдан ўтказиш бўйича масъулият маҳсулотларни қонуний равишда мамлакатга олиб кирган импортёр (сотувчи) ёки маҳаллий ишлаб чиқарувчи корхона зиммасига, агар мобил қурилмалар шахсий эҳтиёжлар учун олиб кирилган бўлса, белгиланган тартибда жисмоний шахслар зиммасига юклатилади.
Мобил қурилмани харид қилиш вақтида унинг рўйхатдан ўтганлик ҳолатини uzimei.uz сайтига ташриф буюриш, USSD ёки SMS сўров юбориш ёки UzIMEI тизими операторининг расмий рўйхатдан ўтказиш пунктига мурожаат қилиш орқали текшириш мумкин.
Фирибгарлик ҳолатларига йўл қўймаслик мақсадида, чет элдан олиб келинган (ёки почта жўнатмаси орқали олинган) шахсий мобил қурилмаларнинг IMEI кодларини фақат UzIMEI тизимининг расмий рўйхатга олиш пунктларида рўйхатдан ўтказишни тавсия қиламиз.
Мобил қурилмаларнинг IMEI кодларини рўйхатдан ўтказиш тизими қурилмангизни ва, айниқса, шахсий маълумотларингизни учинчи шахсларнинг ҳаракатларидан ҳимоя қилишга йўналтирилган ягона аппарат ҳимоясидир.
UzIMEI тизимининг асосий мақсади, истеъмолчилар ҳуқуқларини ҳимоя қилиш, шунингдек, мамлакатга сифатсиз мобил қурилмаларнинг олиб кирилиши ва сотилишининг олдини олишдан иборат.
Рўйхатга олиш тизимини такомиллаштириш ҳамда аниқланган жиноят ва ҳуқуқбузарликларни бартараф этиш бўйича тизим оператори ва ҳуқуқни муҳофаза қилувчи идоралар томонидан кенг кўламли ҳамда доимий ишлар амалга оширилмоқда.
Рўйхатдан ўтиш билан боғлиқ муаммоларни ҳал қилишни таклиф этаётган ёлғон рекламага ишонманг.
Алданиб қолманг!
Агар паспорт маълумотларингизни учинчи шахсларга ихтиёрий равишда тақдим этсангиз, тизим оператори рўйхатга олиш билан боғлиқ муаммоларни ўз зиммасига олмайди.
Паспорт маълумотларини номаълум шахсга тақдим этаётганингизда, сизнинг паспорт маълумотларингиз қонунбузар шахслар томонидан бошқа мақсадларда фойдаланилиши хавфи мавжудлигини тушунишингиз лозим.
Шунинг учун рўйхатга ўтишни UzIMEI’нинг ишончли вакиллари ёки uzimei.uz сайти орқали бевосита амалга оширишни тавсия қиламиз.
Мобил қурилмаларни рўйхатдан ўтказишни соддалаштириш бўйича UzIMEI тизими оператори томонидан бир қатор ишлар амалга оширилмоқда, бироқ тўловларни бекор қилишнинг иложи йўқ. Ушбу тизимни жорий этишдан мақсад, истеъмолчилар ҳуқуқларини ҳимоя қилиш, сифатсиз мобил қурилмаларнинг олиб кирилиши ва ноқонуний айланмасининг олдини олишдан иборат.
Яқинда мобил қурилманинг IMEI коди қандай рўйхатга олинганлигини аниқлашга қаратилган функция ишга туширилди.
Сотиб олинган мобил қурилманинг IMEI кодини текширишда сиз икки турдаги жавобни олишингиз мумкин.
Мобил қурилмани харид қилишдан олдин унинг IMEI кодини uzimei.uz расмий сайти, SMS ёки USSD сўров орқали текшириш тавсия этилади. Қуйидаги каби жавоб олинганда, мобил қурилма расмий равишда Ўзбекистонга келтирилган ҳисобланади.
1. Мобил қурилмани харид қилишдан олдин унинг IMEI кодини uzimei.uz расмий сайти, SMS ёки USSD сўров орқали текширганингизда, ушбу мобил қурилмани сотиб олиш тавсия этилиши (ушбу мобил қурилма Ўзбекистонга расман олиб келинганлиги) ҳақидаги жавобни оласиз.
2. Мобил қурилмани харид қилишдан олдин унинг IMEI кодини uzimei.uz расмий сайти орқали текшириш учун сизда SMS ёки USSD сўров юбориш имконияти мавжуд, сўнгра сизга ушбу мобил қурилмани сотиб олиш тавсия этилмаслиги ҳақида жавоб келади. Ушбу мобил қурилма жисмоний шахснинг паспорт маълумотларидан фойдаланган ҳолда шахсий фойдаланиш учун рўйхатга олинган бўлса, паспорт эгасининг илтимосига биноан тизимдан олиб ташланиши мумкин.
Шуни ёдда тутиш керакки, IMEI кодларни рўйхатдан ўтказиш учун тўловни маҳсулотларни мамлакатга қонуний равишда олиб кирувчи импортёрлар, маҳаллий ишлаб чиқарувчилар ёки телефонларни ўз эҳтиёжлари учун белгиланган тартибда олиб кирувчи жисмоний шахслар амалга оширадилар.
Реклама ҳуқуқи асосида.
Изоҳ (0)