Angliya Premyer Ligasining 11-turidan o‘rin olgan o‘yinda “Manchester Yunayted” 6-noyabr, shanba kuni “Manchester Siti” bilan bahs yuritdi.
Manchester derbisida “shaharliklar” 7-daqiqada Erik Bayining avtogoli evaziga hisobni ochdi. Birinchi bo‘lim so‘ngida esa Bernardu Silva “Manchester Siti”ning ikkinchi golini urdi.
Ikkinchi bo‘limda ham Xosep Gvardiola shogirdlari ustunlikni raqibiga bermadi. Ammo ikkinchi bo‘limda darvozalar daxlsizligi saqlab qolindi. Birinchi bo‘limda urilgan gollar uchrashuv taqdirini hal qildi.
Ushbu g‘alabadan so‘ng “Manchester Siti” ochkolari sonini 23 taga yetkazdi va ikkinchi o‘ringa ko‘tarilib oldi. “Manchester Yunayted” esa 17 ochko bilan 5-o‘rindan joy olgan.
APL
11-tur bahsi
6-noyabr, shanba
“Manchester Yunayted” – “Manchester Siti” 0:2
Gollar: 0:1 — 7 Bayi (avtogol), 0:2 — 45 Bernardu Silva“Manchester Yunayted”: De Xea, Uan-Bissaka, Maguayr, Lindelyof, Bayi (Sancho, 46), Shou (Telles, 73), Fred (van de Bek, 80), Brunu Fernandesh, Maktominey, Ronaldu, Grinvud (Reshford, 67).
“Manchester Siti”: Ederson, Uoker, Stounz, Ruben Diash, Joau Kanselu, Gundo‘g‘an, de Bryuyne, Rodri, Bernardu Silva, Foden, Gabriel Jezus.
Ogohlantirishlar: Joau Kanselu (48), Bernardu Silva (58), Ronaldu (90).
Izoh (0)