Qarshining “Nasaf” klubi OFK Kubogining finalida 5-noyabr, juma kuni Bahraynning “Al-Muharraq” jamoasiga qarshi bahs olib bordi.
Muharraqda bo‘lib o‘tgan o‘yinda hisob 2-daqiqada ochildi. Mahmud Al-Mard darvozabonning oldinga chiqib ketganidan foydalanib, uzoq masofadan ajoyib zarba bilan to‘pni darvozaga joylab qo‘ydi. Shundan so‘ng jamoalar har qancha urinmasin darvozalar boshqa ishg‘ol etilmadi. 74-daqiqaga kelib, Husayn Sabba jamoadoshining zargarona uzatmasinni golga aylantirib, hisobni oshirdi. Oradan 6 daqiqa o‘tgach esa Flavio Cheveresan jamoasining uchinchi golini urib, o‘yinga yakuniy nuqtani qo‘ydi.
Shu tariqa “Nasaf” safarda kechgan o‘yinda yirik hisobda mag‘lubiyatga uchrab, OFK Kubogida zafar quchish imkoniyatini qo‘ldan chiqardi. Qayd etish kerak, qarshiliklar 2011-yilda mazkur musobaqa g‘olibiga aylangandi.
OFK Kubogi
Final
5-noyabr, juma
“Al-Muharraq” — “Nasaf” 3:0
Gol: 1:0 — 2 Al-Mard, 2:0 — 74 Husayn Sabba, 3:0 — 80 Flavio Cheveresan.“Nasaf”: 1. Umidjon Ergashev, 8. Dilshod Saitov, 5. G‘olib G‘aybullayev, 92. Umarbek Eshmurodov, 88. Marko Stanoyevich, 10. Bahrom Abdurahimov, 22. Akmal Mozgovoy ( 50. Shohmalik Komilov, 79), 77. Oybek Bozorov, 20. Suhrob Nurulloyev (99. Andriya Kaluderovich, 74) 19. Husayn Norchayev.
“Al-Muharraq”: 21.Sayid Abbos, 3.Volid al-Hayam, 5.Amin Benaddi, 7.Mahmud al-Mardi, 8.Nur Ar-Ravadbeh, 10.Ablulvahob al-Malud (4.Abdulrahmon Ahmedi, 83), 13.Ahmad Solih ( 2.Husayn Sabba, 70), 14.Flavio Cheveresan, 27.Muhammad al-Banna, 55.Mozes Jona, 99.Rashid al-Huti.
Ogohlantirish: G‘olib G‘aybullayev 30.
Izoh (0)