Xitoy hukumati Suriyaga mamlakatni tiklash va COVID-19 pandemiyasiga qarshi kurashda yordam berishni davom ettirmoqchi. Bu haqda Xitoy Xalq Respublikasi raisi Si Szinpin 5-noyabr kuni Suriya prezidenti Bashar Asad bilan telefon suhbati chog‘ida ma’lum qildi.
“Xitoy Suriyaga COVID-19 ga qarshi kurashda yordam berishda davom etadi, shuningdek, mamlakatning tiklanishida va uning rivojlanishini qayta yo‘lga qo‘yishda qo‘llab-quvvatlaydi”, — deya Si Szinpinning so‘zlaridan iqtibos keltirdi Xitoy markaziy televideniyesi.
“Xitoy Suriyaning davlat suvereniteti, hududiy yaxlitligi va milliy qadr-qimmatini himoya qilish bo‘yicha olib borayotgan harakatlarini qo‘llab-quvvatlaydi va tashqi kuchlarning Suriya ichki ishlariga aralashishga bo‘lgan urinishlariga qat’iy qarshi chiqadi”, — dedi Si Szinpin.
Bunga javoban Suriya rahbari Xitoyga ko‘rsatgan yordami uchun minnatdorchilik bildirdi va Damashq xitoylik investorlarning mamlakatni qayta qurishdagi ishtirokini olqishlashini aytdi.
Avvalroq AQSh prezidenti Jo Bayden Xitoy raisi Si Szinpinni yuzma-yuz uchrashuvga taklif qilgani, lekin Si Szinpin taklifni rad etgani haqida xabar berilgandi.
Mavzuga doir:
- Xitoy Suriyaga “Bir makon, bir yo‘l” loyihalarini amalga oshirishda yordam beradi
- Shavkat Mirziyoyev Si Szinpin bilan telefon orqali muloqot qildi
- Si Szinpin Tayvan va Xitoyni tinch yo‘l bilan birlashtirish tarafdori ekanini bildirdi
- FT: Si Szinpin Baydenning yuzma-yuz uchrashish haqidagi taklifini rad etdi
Izoh (0)