Yangi Zelandiyadagi uzun dumli ko‘rshapalaklar (Chalinolobus tuberculatus) mamlakatda noyob va yo‘qolib ketish xavfi ostida turgan qushlarning 2021-yilgi tanlovida g‘alaba qozondi. Bu haqda konkurs veb-saytida e’lon qilindi, deb yozadi Meduza.
BBC News qayd etishicha, ijtimoiy tarmoqlar foydalanuvchilari natijalarni sarhisob qilgach, tashkilotchilarni tanqid qilib, ovoz berishni “qip-qizil tomosha” va “o‘g‘irlangan saylovlar” deb atadi. Ba’zi tanqidchilar ovoz berish natijasini koronavirus pandemiyasi tufayli “nursizlangan” ko‘rshapalaklar qiyofasini tiklashga urinish bilan bog‘ladi, ammo Forest and Bird buni rad etmoqda.
Forest and Bird 16 yillik saylovlarda birinchi marta quruqlikdagi sutemizuvchilarni ovoz berish ro‘yxatiga kiritdi va ularni qushlar bilan bir xil qiyinchiliklarga duch kelayotganini ta’kidladi.
Yangi Zelandiyada “Yil qushi” tanlovi ko‘pincha bahs-munozaralarga sabab bo‘ladi. 2019-yilda tanlov tashkilotchilari Rossiyadan yuzlab ovozlar olgan, bu esa natijalarni soxtalashtirish haqidagi xavotirlarni keltirib chiqargan. Biroq ovozlar xakerlar emas, rossiyalik qush kuzatuvchilari tomonidan berilgani ma’lum bo‘ldi.
Izoh (0)