Deni Vilnyovning “Dyuna” nomli fantastik blokbasteri 2021-yilning eng kassabop kartinalaridan biri bo‘ldi.
Jahon prokatida film 100 mln dollardan ortiq mablag‘ to‘plagan. Film sujeti, undagi aktyorlarning ijrosidan tashqari, bosh qahramonlarning obrazi bilan ham o‘ziga xosdir. Liboslar bo‘yicha rassom Jaklin Uestning ma’lum qilishicha, kiyimlardan birini kinematografiya tarixidagi eng qimmat kostyum deb hisoblasa ham bo‘ladi. Gap filmdagi bosh qahramon Ledi Jessikaning ipakdan tikilgan libosi haqida ketyapti.
Ta’kidlanishicha, uning bezaklari bir necha oy davomida qo‘l mehnati asosida tikilgan. Rebekka Fergyuson gavdalantirgan qahramonning qo‘llarini qoplagan, yuziga tushib turadigan munchoqlardan iborat bezakni “Dyuna” jamoasining a’zolaridan biri to‘qigan. Libos bo‘yicha rassom bunday libosni yaratishda dizayner Kristobal Balensiaganing ishlaridan ilhomlangan. Libos uchun qancha mablag‘ sarflangani esa ma’lum emas.
Mavzuga doir:
Izoh (0)