Pol Uokerning qizi turmushga chiqdi, uni mehrob yoniga Vin Dizel olib bordi. Ijtimoiy tarmoq foydalanuvchilari “Forsaj” filmidan olingan memlarni esladi

Marhum aktyor Pol Uokerning qizi Midou Uoker turmushga chiqdi. Uni mehrobga cho‘qintirgan otasi, oilasining qadrdon do‘sti Vin Dizel olib bordi.

Midou Instagram sahifasiga turmush qurish lahzalari aks etgan video va fotolarni joylagan. Ma’lum bo‘lishicha, Dominikanda bo‘lib o‘tgan to‘y pandemiya sabab ixcham o‘tkazilgan. Midou turmush o‘rtoq sifatida aktyor Lui Tornton-Allanni tanlagan.

Marosimga, shuningdek, “Forsaj”da Miyani gavdalantirgan Jordana Bryusetr ham tashrif buyurgan. “Forsaj”ning bir necha qismida birga suratga tushgan Vin Dizel va Pol Uoker hayotda ham inoq do‘st bo‘lgan.

Uoker 2013-yil 40 yoshida avtohalokatda vafot etgan. Do‘stining o‘limini qabul qilishi oson bo‘lmagan Dizel esa 8 yildan keyin ham Polni tez-tez eslab turadi.

https://www.instagram.com/p/CVThGUPlbkS/

Sal avvalroq Vin Dizel Instagram sahifasiga o‘zi va Uoker gavdalantirgan Dominik Toretto va Brayan O’Konnerning suratini joylagan.

Pol Uokerning qizining to‘yi ijtimoiy tarmoqlarda ko‘plab muhokamalarga sabab bo‘lgan. Ko‘pchilik Dominik Toretto bilan bog‘liq, oilaning naqadar muhimligi haqidagi memni eslagan.

Kun fotosi: “Oilangdan yuz o‘girmaysan”.

Oila bu — hamma narsa.

Vin Dizel Pol Uokerning qizining to‘yida uni mehrob yoniga olib bordi. Oila haqidagi memlar kulgili bo‘lishi mumkin, ammo u nafaqat film, balki hayotda ham haqiqiy oilaparvar.