Amerikaning Kolorado shtatida ajoyib hodisa yuz berdi. Sayyoh shtatdagi eng baland Elbert tog‘iga borishga otlangan, ammo yo‘lda adashib qolgan. Qutqaruvchilar bir necha soat davomida erkakni telefon orqali topmoqchi bo‘lgan. Ammo u begona raqamga javob berishni istamagani uchun qo‘ng‘iroqlarni e’tiborsiz qoldirgan.
Ta’kidlanishicha, erkak 18-oktabr kuni ertalab chiqib ketgan. Kechasi tunaydigan joyiga qaytmaganidan keyin, mahalliy qidiruv xizmatiga uning yo‘qolgani haqida xabar berilgan. Sayyoh bilan telefon orqali bog‘lanishning iloji bo‘lmaganidan keyin qutqaruvchilar butun qidiruv jamoasini yig‘ib, ishga kirishgan. Kechasi bilan davom etgan qidiruv jarayonidan natija bo‘lmagan. Ertasi kuni sayyohning o‘zi uyga qaytib kelgan.
Bu voqea haqida Leyk okrugining qidiruv xizmati vakillari tomonidan qoldirilgan postdan keyin xabar topilgan. Qutqaruvchilar foydalanuvchilardan e’tiborliroq bo‘lishni va bunday vaziyatlarda begona raqam qo‘ng‘iroqlariga javob berishni so‘ragan.
Izoh (0)