Serbiyaning Belgrad shahrida boks bo‘yicha Jahon chempionatining 6-kungi bahslari 30-oktabr, shanba kuni bo‘lib o‘tdi.
-75 kg vazn toifasida Saidjamshid Ja’farov 1/16 final doirasida yaponiyalik Yuito Marivaki bilan bahs yuritdi. Uch raund davomida to‘liq ustunlik qilgan Saidjamshid yakunda raqibiga hech qanday imkoniya qoldirmagan holda 5:0 hisobida g‘alaba qozondi. Endilikda Ja’farov 1/8 final bosqichida o‘z imkoniyatlarini sinab ko‘radi. Ushbu bosqichda unga ozarbayjonlik Kozimjoda Mirsharif raqiblik qiladi. Jang 1-noyabr kuni bo‘lib o‘tadi.
Ja’farov 1/32 final doirasida slovakiyalik Lukas Fernetsani mag‘lub etib, 1/16 finalga yo‘l olgandi. Shu tariqa 30-oktabr kuni ringga ko‘tarilgan barcha o‘zbekistonlik bokschilar g‘alaba qozondi. Bular: Saidjamshid Ja’farov, Odiljon Aslonov, Nodirjon Mirzahmedov va Mujibillo Tursunov.
Musobaqaning dastlabki besh kunida ham bir qator o‘zbekistonlik bokschi o‘z jangini o‘tkazdi. Asadxo‘ja Mo‘ydinxo‘jayev, Shahobiddin Zoirov, Madiyor Saidrahimov, Abdumalik Halokov va Lazizbek Mullajonov raqiblarini yengib, keyingi bosqichga yo‘l olgan bo‘lsa, Hasanboy Do‘stmatov, Shohjahon Abdullayev, Mirazizbek Mirzaxalilov va Shahram G‘iyosov musobaqa bilan erta xayrlashdi.
Izoh (0)