Angliya Premyer Ligasining 10-turidan o‘rin olgan o‘yinda “Manchester Yunayted” 30-oktabr, shanba kuni “Tottenhem” bilan bahs yuritdi.
Londonda o‘tgan o‘yinning 39-daqiqasida Krishtianu Ronaldu hisobni ochdi. Ikkinchi bo‘limda Edinson Kavani mankunianliklarning ikkinchi goliga mualliflik qildi, ushbu vaziyatda unga Ronaldu to‘pni yetkazib berdi. 86-daqiqada esa Markus Reshford uchinchi golni urdi va “Manchester Yunayted”ning yirik g‘alabasini ta’minladi.
Ushbu g‘alabadan so‘ng Ole-Gunnar Sulsher shogirdlari ochkolari sonini 17 taga yetkazdi va 5-o‘rindan joy oldi. “Tottenhem” esa 15 ochko bilan 8-o‘rinda bormoqda.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
APL
10-tur bahsi
30-oktabr, shanba
“Tottenhem” – “Manchester Yunayted” 0:3
Gollar: 0:1 – 39 Ronaldu, 0:2 – 64 Kavani, 0:3 – 86 Reshford.“Tottenhem”: Lloris, Emerson, Dayer, Romero, Devis, Son, Lukas Moura (Bergveyn, 54), Hyoyberg, Lo Chelso (Alli, 73), Skipp (Ndombele, 66), Keyn.
“Manchester Yunayted”: De Xea, Uan-Bissaka, Varan, Maguayr, Lindelyof, Shou, Fred, Brunu Fernandesh (Matich, 76), Maktomini, Ronaldu (Reshford, 71), Kavani (Lingard, 82).
Ogohlantirishlar: Shou (19), Maguayr (22), Fred (73), Devis (78), Romero (90).
Izoh (0)