Futbol bo‘yicha Italiya A Seriyasining 11-turidan o‘rin olgan o‘yinda “Yuventus” 30-oktabr, shanba kuni “Verona”ga qarshi maydonga tushdi.
Veronada o‘tgan uchrashuvning 11 va 14-daqiqalarida Jovanni Simeone gol urib, dublni rasmiylashtirdi. U birinchi golini chalqancha uslubda urdi. 80-daqiqada esa Ueston Makkenni hisobni qisqartirdi. Ammo bu gol “Yuventus”ga g‘alaba qozonish yoki hisobni tenglashtirish uchun yetarli bo‘lmadi.
Shu tariqa Massimiliano Allegri shogirdlari Italiya chempionatida ketma-ket ikkinchi, mavsumdagi to‘rtinchi mag‘lubiyatini qabul qildi.
“Yuventus” mag‘lubiyatdan so‘ng 15 ochko bilan 9-o‘rinda bormoqda. “Verona” esa ochkolari sonini 15 taga yetkazib, 7-o‘ringa ko‘tarilib oldi.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
11-tur bahslari
30-oktabr, shanba
“Verona” — “Yuventus” 2:1
Gollar: 1:0 – 11 Simeone, 2:0 – 14 Simeone, 2:1 – 80 Makkenni.“Verona”: Montipo, Faraoni, Gyunter, Davidovich, Kazale (Chekkerini, 67), Lazovich (Shutalo, 67), Velozu, Tamez (Bessa, 75), Barak, Kaprari, Simeone (Kalinich, 83).
“Yuventus”: Shensni, Danilo, Kyellini, Bonuchchi, Aleks Sandro (Pellegrini, 82), Kuadrado (Kulusevski, 69), Rabyo (Lokatelli, 57), Bentankur (Makkenni, 58), Artur (Bernardeski, 69), Morata, Dibala.
Ogohlantirishlar: Lazovich (26), Danilo (29), Kazale (57), Faraoni (61), Artur (61), Morata (76), Gyunter (76).
Izoh (0)