Moskvada 28-oktabrdan 7-noyabrda qadar ishlanmaydigan haftalik e’lon qilindi. Uning doirasida shaharda koronavirus cheklovlari kuchaytiriladi va qisman lokdaun joriy etiladi. Rasmiylar odamlarga oilasi va yaqinlari bilan birga bo‘lishni, uydan chiqmaslikni yoki dala hovliga jo‘nab ketishni tavsiya qilmoqda, deb xabar beradi “RBK”.
Federal darajada ishlanmaydigan kunlar Rossiya prezidenti Vladimir Putinning qaroriga ko‘ra, 30-oktabrdan boshlanadi. Prezident epidemiologik vaziyat keskin tus olgan viloyatlarda ishlanmaydigan haftalikni oldinroq joriy etishga ruxsat bergan. Ayrim viloyatlar dam olish kunlarini joriy haftadan e’lon qilgan, Moksva meri Sergey Sobyanin esa ishlanmaydigan haftalikni 28-oktabrdan boshlash borasidagi qarorni imzolagan.
Moskva meri o‘rinbosari va koronavirusga qarshi kurash bo‘yicha poytaxt tezkor shtabi rahbari Anastasiya Rakova murakkab vaziyat meriyaga lokdaun e’lon qilindan boshqa chora qoldirmaganini ma’lum qilgan.
“Epidemiologlarning kuzatuviga ko‘ra, delta-shtammning inkubatsion davri besh kungacha davom etadi, shu sababli 11 kunga aloqalarning uzilishi ikkita bunday davrni qamrab oladi”, — deydi vitse-mer.
Shunday qilib, Moskvada 7-noyabrga qadar kinoteatrlar, hayvonot bog‘lari, hammomlar, sport zallari, savdo markazlari, sartaroshxonalar, avtoservislar, stomotologik kabinetlar (favqulodda yordam ko‘rsatish bundan mustasno) ishlamaydi. Restoranlar faqat olib ketish yoki yetkazib berishga xizmat ko‘rsatadi. Ishlanmaydigan kunlar davomida maktablarda ta’til e’lon qilingan, shuningdek, madaniy va sport tadbirlarini o‘tkazish to‘xtatilgan.
“RBK”ning yozishicha, lokdaundan bir kun oldin Moskvada 9 balli tirbandliklar qayd etilgan. Nashr poytaxt aholisi so‘nggi “ozod kechasini” qanday o‘tkazgani tasvirlangan suratlar bilan bo‘lishdi.
“Strastnoy” bulvari
Pokrovka ko‘chasi
“Pushkin” metro stansiyasi oldida McDonald’s
Underdog, Maroseyka ko‘chasi
Moments bari, Tatarskaya ko‘chasi
Szputnyik bari, “Stoleshnik” tor ko‘chasi
SUM yaqinidagi ko‘cha musiqachilari
Izoh (0)