Renualt kompaniyasi Roodell dilerlik tarmog‘i bilan hamkorlikda O‘zbekiston hududida avtomobil ishlab chiqarish va sotishni yo‘lga qo‘yishi va ushbu avtomobillar narxi ma’lum qilingandi. Rasmiy vakillar bu narxlar yakuniy belgilangan narxlar emasligi va unda o‘zgarishlar bo‘lishi mumkinligini ma’lum qildi.
Eslatib o‘tamiz, ilk avtomobillar 2021-yilning kuzidan sotuvga chiqishi va bu Arkana kupe-krossoveri, shahar sharoitiga mo‘ljallangan Kaptur krossoveri, shuningdek, yangi avlod Duster yo‘ltanlamasi bo‘lishi aytilgandi.
Kompaniya saytida narxlari quyidagicha bo‘lishi keltirilgan:
- Arkana — 230 879 300 so‘mdan boshlab;
- Duster — 225 108 500 so‘mdan boshlab;
- Kaptur — 221 115 600 so‘mdan boshlab.
Rossiyada Arkana narxi — 1,3 million rubldan (18,3 ming dollar), Kaptur — 1,22 million rubldan (17,1 ming dollar), Duster — 1,01 million rubldan (14,3 ming dollar) boshlanadi. Ammo Motor’ning yozishicha, Rossiyada Renault avtomobillari narxini ko‘tarishni boshladi.
Eslatib o‘tamiz, O‘zbekistonda Renault avtomobillarini yig‘ishni yo‘lga qo‘yish rejalashtirilayotgani 2020-yilning oxirlarida ma’lum bo‘lgandi. Bu haqda 2021—2023-yillarga mo‘ljallangan Investitsiya dasturi tasdiqlangan Prezident qarorida keltirilgan.
Izoh (0)