Renualt компанияси Roodell дилерлик тармоғи билан ҳамкорликда Ўзбекистон ҳудудида автомобиль ишлаб чиқариш ва сотишни йўлга қўйиши ва ушбу автомобиллар нархи маълум қилинганди. Расмий вакиллар бу нархлар якуний белгиланган нархлар эмаслиги ва унда ўзгаришлар бўлиши мумкинлигини маълум қилди.
Эслатиб ўтамиз, илк автомобиллар 2021 йилнинг кузидан сотувга чиқиши ва бу Arkana купе-кроссовери, шаҳар шароитига мўлжалланган Kaptur кроссовери, шунингдек, янги авлод Duster йўлтанламаси бўлиши айтилганди.
Компания сайтида нархлари қуйидагича бўлиши келтирилган:
- Arkana — 230 879 300 сўмдан бошлаб;
- Duster — 225 108 500 сўмдан бошлаб;
- Kaptur — 221 115 600 сўмдан бошлаб.
Россияда Arkana нархи — 1,3 миллион рублдан (18,3 минг доллар), Kaptur — 1,22 миллион рублдан (17,1 минг доллар), Duster — 1,01 миллион рублдан (14,3 минг доллар) бошланади. Аммо Motor’нинг ёзишича, Россияда Renault автомобиллари нархини кўтаришни бошлади.
Эслатиб ўтамиз, Ўзбекистонда Renault автомобилларини йиғишни йўлга қўйиш режалаштирилаётгани 2020 йилнинг охирларида маълум бўлганди. Бу ҳақда 2021—2023 йилларга мўлжалланган Инвестиция дастури тасдиқланган Президент қарорида келтирилган.
Изоҳ (0)