Futbol bo‘yicha Fransiya chempionatining 10-turida “PSJ” 15-oktabr, juma kuni o‘z maydonida “Anjer”ni mehmon qildi.
Dastlab mehmonlar Anjelo Fyuljeninig goli evaziga hisobda oldinga chiqib olgandi. Ammo parijliklar ikkinchi bo‘limda bunga Danilu Pereyra va Kilian Mbappening gollari bilan javob qaytarib, irodali g‘alabani tantana qildi. Jamoaga g‘alaba keltirgan golni Kilian Mbappe 87-daqiqada 11 metrlik penaltidan kiritdi. Shuningdek, Mbappe o‘yinda o‘z nomiga bitta assistni ham yozdirib qo‘ydi.
Qayd etish kerak, mazkur bahsda “PSJ” hujumchilari Lionel Messi va Neymar maydonga tushmadi. Boisi ular o‘yin kuni terma jamoa safidan qaytib kelgandi.
G‘alabadan keyin “PSJ” 27 ochko bilan musobaqa jadvalida peshqadamlik qilmoqda. “Anjer” (16) esa 4-pog‘onani band etgan.
Liga 1
10-tur bahsi
15-oktabr, juma
“PSJ” — “Anjer” 2:1
Gollar: 0:1 – 36 Fyuljeni, 1:1 – 69 Danilu Pereyra, 2:1 – 87, penalti Mbappe.“PSJ” – Donnarumma, Dagba (Hakimi, 72), Kimpembe, Kerer, Diallo (Bernat, 63), Errera (Draksler, 72), Danilu Pereyra, Verratti, Rafinya (Veynaldum, 63), Ikardi, Mbappe (Ebimbe, 90).
“Anjer” – Bernardoni, Traore, Manko, Toma, Kabo, Mendi, Kapel, Mangani, Fyuljeni (Baoken, 77), Bufal (Unai, 77), Cho (Braimi, 64).
Ogohlantirishlar: Kapel (85), Verratti (90).
Izoh (0)