Germaniyaning Transfermarkt portali A Seriya futbolchilari qiymatining yangilangan reytingini e’lon qildi.
Unga ko‘ra “Roma”ning o‘zbekistonlik hujumchisi Eldor Shomurodovning bahosi ikki barobarga qimmatlab, 14 million yevroni tashkil qilgan. Shomurodovning transfer qiymati 2021-yilning martida 7 million yevroga baholangan va shu vaqtga qadar o‘zgarmay kelayotgandi.
O‘zbekistonning eng qimmat futbolchisi bo‘lgan Eldor bu orqali Osiyo mintaqasidagi eng qimmat oltinchi futbolchiga aylandi. Undan oldinda faqat janubiy koreyalik Son Hyon Min (85 mln yevro; “Tottenhem”), eronlik Sardor Azmun (25 mln yevro; “Zenit”), yaponiyaliklar Daichi Kamada (25 mln yevro; “Ayntraxt F”), Takehiro Tomiyasu (20 mln yevro; “Arsenal”) va fors Mehdi Taremi (16 mln yevro; “Portu”) bormoqda.
Shomurodov “Roma”ning eng qimmat futbolchilari top-15 ligidan joy oldi (12-o‘rin). A Seriyada esa 109-o‘rinda turibdi. Futbolchi dunyo bo‘yicha 680-o‘rindan joy olgan bo‘lsa, tengqurlari orasida 74-pog‘onada.
Izoh (0)