Toshkentda piyoda urib yuborilishiga sabab bo‘lgan YTH yuzaga keltirib, voqea joyidan qochib ketgan Spark haydovchisining shaxsini aniqlash choralari ko‘rilmoqda. Bu haqda YHXBB matbuot xizmati xabar berdi.
6-oktabr kuni ijtimoiy tarmoqlarda “Spark haydovchisining shoshqaloqligi sabab Cobalt haydovchisi piyodani urib yubordi” sarlavhasi ostida video tarqalgandi. Unda Spark yo‘l qoidasini buzgan holda, asosiy yo‘ldan harakatlanib ketayotgan mashina ustuvorligini e’tiborga olmasdan qayrilib olayotganini ko‘rish mumkin. Oqibatda yo‘li to‘silgan Cobalt Spark’ka urilib ketmaslik maqsadida rulni o‘ng tomonga burgan va yo‘l chetida turgan piyodani urib yuborgan
YHXBB ma’lumotiga ko‘ra, voqea 3-oktabr kuni soat 11:00 larda Bektemir tumani TXAY ko‘chasida yuz bergan. Jabrlangan 34 yoshli piyoda tan jarohati bilan shifoxonaga murojaat qilgan.
Mazkur YTH yuzasidan Toshkent shahar IIBB YHXB xodimlari tomonidan surishtiruv ishlari olib borilib, holat sodir bo‘lishiga aloqador bo‘lgan Spark haydovchisini aniqlash choralari ko‘rilmoqda.
Izoh (0)