Toshkent davlat iqtisodiyot universiteti sobiq prorektori qidiruvdaligi haqida tarqalgan xabarlar yuzasidan universitet axborot xizmati rasmiy munosabat bildirdi.
“Ijtimoiy tarmoq va internet sahifalarida Toshkent davlat iqtisodiyot universitetining sobiq prorektori bilan bog‘liq holat bo‘yicha turli xabarlar tarqatilmoqda. Hattoki, ayrim elektron nashrlar avgust oyida universitet tomonidan qidiruv e’lon qilinganini ham yozishga ulgurdi.
Vaziyatga oydinlik kiritib o‘tamiz. Nodir Fozilovich Idiyev ‘Asaka bank’ AJ Buxoro viloyati filialida faoliyat yuritgan davridagi ishlari sabab qidiruvga berilgan.
N.Idiyevga qo‘yilayotgan ayblov uning Toshkent davlat iqtisodiyot universitetidagi faoliyati bilan bog‘liq emas.
Ommaviy axborot vositalari va ijtimoiy tarmoq faollarini esa ushbu vaziyat yuzasidan (ortiqcha bo‘rttirishlarsiz) xolis axborot tarqatishga chorlab qolamiz”, — deyiladi universitet xabarida.
Eslatib o‘tamiz, Idiyevga nisbatan Jinoyat kodeksining 168-moddasi (firibgarlik) 3-qismi va 209-moddasi (mansab soxtakorligi) 2-qismi bilan jinoiy ish ochilgan.
Mavzuga doir:
- Andijonda o‘zini Ispaniya banki vakili deya tanishtirib, 200 ming dollar kredit olib berish uchun pul talab qilgan shaxs ushlandi
- Toshkent viloyatidagi o‘rmon xo‘jaligiga qarashli 1 gektar yerni 200 ming dollar evaziga olib berishni va’da qilgan shaxslar ushlandi
- Jizzax, Samarqand va Namangandagi tuman prokurorlari pora bilan ushlandi
Izoh (0)