Наманган вилояти Давлатобод туманида Damas 68 ёшли фуқарони уриб юборди, дея хабар қилмоқда вилоят ИИББ ахборот хизмати.
Қайд этилишича, 2021 йил 2 октябрь куни соат 20:00 ларда Наманган шаҳар, Давлатобод тумани, «Ўрта Ғирвон» МФЙ ҳудудида Наманган туманида яшовчи, 1960 йилда туғилган фуқаро Damas русумли автомашинасини ишонч қоғози билан бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда, Наманган шаҳрида яшаган, 1953 йилда туғилган фуқарони уриб юборган.
Оқибатда пиёда тан жароҳати олиб, шифохонада вафот этган.
Ушбу ҳолат бўйича Давлатобод тумани ИИБ ҳузуридаги еергов бўлинмаси томонидан 2021 йил 2 октябрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш қоидаларини бузиш) билан жиноят иши қўзғатилган.
Бундан аввал Тошкентда 36 ёшли велосипедчи Lada уриб юбориши оқибатида вафот этгани, Қамчиқ довонида 4 та машина иштирокида ЙТҲ юз бергани ҳамда Сирдарёда ҳайдовчиси ухлаб қолган Matiz темир тўсиққа урилиши оқибатида йўловчи ҳалок бўлгани ҳақида хабар берилганди.
Изоҳ (0)