O‘zbekiston tashqi ishlar vaziri Abdulaziz Komilov 2021-yil 6-oktabr sanasida Niderlandiya Qirolligining favqulodda va muxtor elchisi etib tayinlangan (qarorgohi Moskvada shahrida joylashgan) Xilles Arno Besxoor Pluxni qabul qildi.
Elchining ishonch yorliqlarini qabul qilib, vazir uni mas’ul lavozimga tayinlangani bilan tabrikladi. Elchining kasbiy tajribasi o‘zaro manfaatli sohalarda O‘zbekiston va Niderlandiya munosabatlarini yanada mustahkamlashga xizmat qilishiga umid bildirildi.
Suhbat chog‘ida siyosiy muloqotni, shu jumladan, O‘zbekiston—Yevropa Ittifoqi shaklidagi hamkorlik doirasida aloqalarni faollashtirish hamda parlamentlararo, savdo-iqtisodiy va madaniy-gumanitar munosabatlarni kengaytirishdan ikki tomon ham birday manfaatdorligi qayd etildi.
Bundan avval Abdulaziz Komilov Vatikanning O‘zbekistondagi yangi elchisidan ishonch yorliqlarini qabul qilib olgani hamda O‘zbekiston elchisi “Tolibon” tomonidan tayinlangan Afg‘oniston tashqi ishlar vaziri bilan uchrashgani haqida xabar berilgandi.
Izoh (0)