Тошкентда пиёда уриб юборилишига сабаб бўлган ЙТҲ юзага келтириб, воқеа жойидан қочиб кетган Spark ҳайдовчисининг шахсини аниқлаш чоралари кўрилмоқда. Бу ҳақда ЙҲХББ матбуот хизмати хабар берди.
6 октябрь куни ижтимоий тармоқларда «Spark ҳайдовчисининг шошқалоқлиги сабаб Cobalt ҳайдовчиси пиёдани уриб юборди» сарлавҳаси остида видео тарқалганди. Унда Spark йўл қоидасини бузган ҳолда, асосий йўлдан ҳаракатланиб кетаётган машина устуворлигини эътиборга олмасдан қайрилиб олаётганини кўриш мумкин. Оқибатда йўли тўсилган Cobalt Spark’ка урилиб кетмаслик мақсадида рулни ўнг томонга бурган ва йўл четида турган пиёдани уриб юборган
ЙҲХББ маълумотига кўра, воқеа 3 октябрь куни соат 11:00 ларда Бектемир тумани ТХАЙ кўчасида юз берган. Жабрланган 34 ёшли пиёда тан жароҳати билан шифохонага мурожаат қилган.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилиб, ҳолат содир бўлишига алоқадор бўлган Spark ҳайдовчисини аниқлаш чоралари кўрилмоқда.
Изоҳ (0)