O‘zbekistondagi OTMlarning nechtasida talabalar uchun yotoqxona borligi ma’lum qilindi

O‘zbekistonda 2020/2021-o‘quv yili boshida faoliyat yuritayotgan oliy ta’lim muassasalari soni 127 tani tashkil etgan. Bu haqda Davlat statistika qo‘mitasi xabar berdi.

Ma’lum qilinishicha, respublikadagi 127 ta oliy ta’lim muassasalarining 88 tasida talabalar uchun yotoqxonalar mavjud.

Eslatib o‘tamiz, fevral oxirda Toshkentning Yunusobod tumanida besh nafar talaba o‘lik holda topilgani, ulardan biri Inha universitetining 1-bosqich talabasi ekanligi to‘g‘risida xabar berilgan edi. Fojiadan so‘ng ijarada yashayotgan talabalarning sharoitlari o‘rganiladigan bo‘ldi.

Shundan so‘ng Toshkent shahridagi Inha universitetining 200 o‘ringa mo‘ljallangan birinchi yotoqxonasi hamda Axborot texnologiyalari va kommunikatsiyalarini rivojlantirish vazirligi ko‘magida Toshkent shahridagi Amiti universiteti yotoqxonasi foydalanishga topshirildi.