BMT Bosh Assambleyasining rahbari 2023-yilgacha dunyo aholisini COVID-19 ga qarshi emlashga erishish zarurligini aytdi

Birlashgan Millatlar Tashkiloti Bosh Assambleyasi rahbari Abdulla Shahid 2022-yil oxirigacha butun Yer aholisini COVID-19 ga qarshi emlash uchun jahon hamjamiyatidan faol hamkorlik kutishini ma’lum qildi. Buning uchun u “bor imkoniyatlarni ishga solish” niyatida.

“Bosh Assambleya 193 mamlakatdan iborat, bu BMT tuzilmasidagi eng asosiy vakillik instituti hisoblanadi”, — dedi Shahid matbuot anjumanida. “Men o‘z kuchlarimni ishga solib, barchani birlashtirish niyatidaman. Mening vazifam — 2022-yil oxirigacha butun dunyo aholisini emlash uchun hammamiz ancha istiqbolli muddatlarga yetib kelishimizni ta’minlash”.

Jons Hopkins universiteti ma’lumotlariga ko‘ra, dunyo bo‘ylab 94,5 million odam COVID-19 ga qarshi emlangan. Vaksinatsiya sur’ati bo‘yicha Birlashgan Arab Amirliklari yetakchi hisoblanadi (93,1 foiz aholi emlangan), undan so‘ng Portugaliya (86,4 foiz), Chili (83 foiz), Qatar (82,1 foiz) va Malta (81,7 foiz) turibdi.

Dunyoda koronavirusga chalinganlar soni 234 291 761 kishiga yetdi, shularning 4 791 939 nafari vafot etgan. Kasallanganlar soni bo‘yicha AQSh (43,6 million), Hindiston (33,7 million), Braziliya (21,4 million), Buyuk Britaniya (7,8 million) va Rossiya (7,4 million) eng oldinda bormoqda.