Бирлашган Миллатлар Ташкилоти Бош Ассамблеяси раҳбари Абдулла Шаҳид 2022 йил охиригача бутун Ер аҳолисини COVID-19 га қарши эмлаш учун жаҳон ҳамжамиятидан фаол ҳамкорлик кутишини маълум қилди. Бунинг учун у «бор имкониятларни ишга солиш» ниятида.
«Бош Ассамблея 193 мамлакатдан иборат, бу БМТ тузилмасидаги энг асосий вакиллик институти ҳисобланади», — деди Шаҳид матбуот анжуманида. «Мен ўз кучларимни ишга солиб, барчани бирлаштириш ниятидаман. Менинг вазифам — 2022 йил охиригача бутун дунё аҳолисини эмлаш учун ҳаммамиз анча истиқболли муддатларга етиб келишимизни таъминлаш».
Жонс Ҳопкинс университети маълумотларига кўра, дунё бўйлаб 94,5 миллион одам COVID-19 га қарши эмланган. Вакцинация суръати бўйича Бирлашган Араб Амирликлари етакчи ҳисобланади (93,1 фоиз аҳоли эмланган), ундан сўнг Португалия (86,4 фоиз), Чили (83 фоиз), Қатар (82,1 фоиз) ва Мальта (81,7 фоиз) турибди.
Дунёда коронавирусга чалинганлар сони 234 291 761 кишига етди, шуларнинг 4 791 939 нафари вафот этган. Касалланганлар сони бўйича АҚШ (43,6 миллион), Ҳиндистон (33,7 миллион), Бразилия (21,4 миллион), Буюк Британия (7,8 миллион) ва Россия (7,4 миллион) энг олдинда бормоқда.
Изоҳ (0)