O‘zbekiston 8 oyda xorijdan qariyb 15 mingta yengil avtomobil import qildi

O‘zbekiston yanvar-avgust oylarida 22 ta xorijiy davlatdan qiymati 316,6 mln dollarga teng qariyb 15 mingta yengil avtomobil import qildi. Bu haqda Davlat statistika qo‘mitasi ma’lum qildi. Qayd etilishicha, bu o‘tgan yilning mos davriga nisbatan 4350 taga kam.

2021-yilning o‘tgan 8 oyi mobaynida O‘zbekiston yengil avtomobillarni eng ko‘p import qilgan davlatlar quyidagilar:

• Xitoy – 4 652 ta;
• Koreya – 3 597 ta;
• Rossiya – 2 952 ta;
• Qozog‘iston – 1 744 ta;
• Polsha – 811 ta;
• Litva – 427 ta;
• AQSh – 331 ta;
• Tailand – 250 ta;
• Germaniya – 81 ta;
• Yaponiya – 64 ta;
• Turkiya – 25 ta.

Eslatib o‘tamiz, O‘zbekiston yanvar–iyul oylarida xorijdan jami 258,3 million dollarlik yengil avtomobil import qilgandi.