Ўзбекистон 8 ойда хориждан қарийб 15 мингта енгил автомобиль импорт қилди

Ўзбекистон январь август ойларида 22 та хорижий давлатдан қиймати 316,6 млн долларга тенг қарийб 15 мингта енгил автомобиль импорт қилди. Бу ҳақда Давлат статистика қўмитаси маълум қилди. Қайд этилишича, бу ўтган йилнинг мос даврига нисбатан 4350 тага кам.

2021 йилнинг ўтган 8 ойи мобайнида Ўзбекистон енгил автомобилларни энг кўп импорт қилган давлатлар қуйидагилар:

• Хитой – 4 652 та;
• Корея – 3 597 та;
• Россия – 2 952 та;
• Қозоғистон – 1 744 та;
• Польша – 811 та;
• Литва – 427 та;
• АҚШ – 331 та;
• Таиланд – 250 та;
• Германия – 81 та;
• Япония – 64 та;
• Туркия – 25 та.

Эслатиб ўтамиз, Ўзбекистон январь–июль ойларида хориждан жами 258,3 миллион долларлик енгил автомобиль импорт қилганди.