Ford kompaniyasining Britaniya bo‘linmasi 2030-yilda taqdim etilishi mumkin bo‘lgan avtomobil tasviri bilan bo‘lishdi. Future Generation nomini olgan konsept 8-9 yoshli maktab o‘quvchilari bilan birgalikda yaratilgan bo‘lib, marka vakillarining fikricha, ular to‘liq elektrlashgan dunyoning ilk haydovchilariga aylanadi. Yosh respondentlarning aksariyati bo‘lajak mashinalarda avtopilot tizimini bo‘lishini, shuningdek, ular ucha olishi lozimligini xohlagan, deb xabar beradi Motor.
Ford vakillarining so‘rovida Britaniya maktablarining 8-9 yoshli o‘quvchilari ishtirok etgan. Kompaniya mutaxassislarining fikricha, aynan shu yoshdagi bolalar to‘liq elektrlashtirilgan dunyoning ilk haydovchilariga aylanadi. Yosh respondentlarning 79 foizi 2030-yilga borib ideal avtomobil elektr energiyasida harakatlanishi kerakligini bildirgan. Ammo klassik ichki yonuv dvigatelini yoqlab chiqqan bolalar ham bor. Benzinli agregat uchun so‘rov ishtirokchilarining 17 foizi, dizelliga esa 10 foizi ovoz bergan.
Respondentlarning aksariyati kelajakdagi elektrokarlar havoda ucha olishi kerak, degan fikrni bildirgan. O‘quvchilar boshqa opsiyalar qatorida avtomobilda avtopilot tizimi, shuningdek, qulay o‘rindiq va kuchli akustika bo‘lishini ham xohlagan. Eng ommabop kuzov rangi deya qora-qizil gamma tanlangan bo‘lib, kelajak avtomobilining tashqi ko‘rinishini Ford’ning Yevropa bo‘linmasini eksteryer bo‘yicha bosh dizayneri Nedzad Muychinovich yaratadi.
Kompaniya mutaxassislar maktab o‘quvchilari bilan birga ikki mingga yaqin katta yoshdagi britaniyaliklar o‘rtasida ham so‘rovnoma o‘tkazgan. Ularning beshdan bir qismi kelajakda an’anaviy ichki yonuv dvigatelini saqlab qolishga ovoz bergan. Bu kabi qarorni ular motorning ishlash ovozini eshitishni xohlashlari, uzatmalar qutisini almashtirishni, bundan tashqari, yonilg‘i quyish shoxobchalariga borishni yoqtirishlari bilan izohlagan.
Eslatib o‘tamiz, 2020-yilda Rolls-Royce rossiyalik 6 yoshli qizni kelajak mashinasi konsepti uchun taqdirlagandi.
Mavzuga doir: Uchadigan Audi ishlanmalari bilan bolalar shug‘ullanadi
Izoh (0)