Apple o‘zining birinchi buklanuvchan iPhone’ini 2023-yilga borib taqdim etadi, deb xabar beradi Hi-Tech.Mail.ru. Hozirda kompaniya konstruksiyasi Galaxy Z Fold va Galaxy Z Flip’ni takrorlovchi ikkita smartfon ustida ish olib borayotgani ma’lum.
Buklanuvchan panelni yaratishga bu kabi matritsalar ishlab chiqarishda bilim va tajribaga ega LG kompaniyasi yordam bermoqda. Ayni vaqtda perimetri bo‘yicha ingichka hoshiyaga ega 7,5 dyuymli ekranga ega prototip mavjud. Apple’ning yangi qurilmasi yangi turdagi OLED-panelga ega bo‘ladigan bozordagi birinchi smartfonga aylanishi mumkin.
Avvalroq taniqli tahlilchi Ming-Chi Kuo ham buklanuvchan iPhone 2023-yilga borib taqdim etilishini ma’lum qilgan, biroq Samsung Display’ni 8 dyuymli OLED-displey yetkazib beruvchi deb atagan edi. Uning prognozlariga ko‘ra, buklanuvchan displeyga ega iPhone’larni 2023-yilga borib yetkazib berish 15—20 million donani tashkil etishi kerak.
Tahlilchilarning fikricha, avvaliga Apple egiluvchan smartfonlar borasida Samsung’dan o‘tib keta olmaydi. Hatto buklanuvchan iPhone taqdim etilganidan keyin ham Janubiy Koreya giganti 75 foizga tushib ketmaydi, ammo kelajakda barchasi o‘zgarishi mumkin. 2023-yilga borib bozorga 90 million buklanuvchan smartfon chiqarilsa, 2025-yilda ushbu ko‘rsatkich 100 million donani tashkil etadi.
Avvalroq buklanadigan ekranga ega birinchi iPhone narxi 1499 dollar bo‘lishi haqida xabarlar tarqalgan edi.
Izoh (0)