LetsGoDigital internetda tarqalgan ma’lumotlar asosida buklanadigan birinchi iPhone’ning 3D-renderlari seriyasini taqdim etdi, deb yozadi “Korrespondent.net”.
Ma’lum qilinishicha, egiluvchan ekranga ega Apple smartfoni bunga qadar Motorola va Samsung tomonidan taqdim etilgan “raskladushka” shaklida.
Vizualizatsiyani yaratgan foydalanuvchilarining taxminicha, Apple uchun egiluvchan OLED-matritsani aynan Janubiy Koreya kompaniyasi yetkazib berish bilan shug‘ullanadi.
Kelajak gadjetining tashqi ko‘rinishi iPhone 12’ning kvadrat dizayniga o‘xshash. Renderlardan ko‘rish mumkinki, kamera bloklari yonida qo‘shimcha ekran joylashgan bo‘lib, unda turli servis ma’lumotlari namoyish etiladi.
Mish-mishlarga ko‘ra, birinchi egiluvchan iPhone Fold nomiga ega bo‘ladi va 2022-yildan oldin taqdim etilmaydi.
Mavzuga doir: Apple sensorli smartfonlarning eski muammosiga yechim topdi
