Jons Hopkins universiteti ma’lumotlariga ko‘ra, dunyoda koronavirusga chalinganlar soni 225 778 167 kishini tashkil qilmoqda, shularning 4 648 145 nafari vafot etgan. Ayni paytgacha qo‘llangan vaksinalar dozasi esa 5,748 milliardga yaqinlashdi.
Kasallanganlar soni bo‘yicha AQSh (41,3 million), Hindiston (33,2 million), Braziliya (21 million), Buyuk Britaniya (7,3 million) va Rossiya (7,07 million) yetakchilik qilmoqda.
“2022-yil oxirigacha sayyoraning har bir fuqarosi koronavirusga qarshi emlanishi uchun dunyo hamjamiyati barcha imkoniyatini ishga solishi kerak”, — dedi BMT Bosh Assambleyasi yangi raisi Abdulla Shahid 14-sentabr kuni Bosh Assambleya 76-sessiyasi doirasidagi brifingda.
“Biz oldimizga qo‘yilgan maqsadga — 2022-yil oxirigacha barcha odamlarni bitta qoldirmay emlashga erishish uchun BMT Bosh Assambleyasi raisi qodir bo‘lgan barcha ishni qilmoqchiman”, — dedi u.
Ayni paytda Shahid 2022-yil boshida vaksina tengsizligi masalasi bo‘yicha yuqori darajada uchrashuv tashkil qilib, unga dunyo yetakchilari va ekspertlarini taklif qilish rejalari haqida gapirdi.
“Barchamiz himoyalanmagunimizcha xavfsizlikda bo‘la olmaymiz”, — dedi Shahid.
Turkiyada 13-sentabr kuni 27 802 kishida koronavirus aniqlandi, bu 4-maydan buyon kuzatilgan eng yuqori ko‘rsatkichdir.The Guardian nashri ma’lumotlariga ko‘ra, shu kuni o‘limlar soni bo‘yicha ham qariyb rekord ko‘rsatkich qayd etilgan — 276 ta.
Iyul o‘rtalarida koronavirusga qarshi choralarning aksariyati bekor qilinganidan buyon Turkiyada COVID-19 oqibatidagi o‘limlar soni keskin oshdi.
So‘nggi ma’lumotlarga ko‘ra, 85,4 million aholi yashaydigan Turkiyada pandemiya boshidan buyon 6,7 million kishida koronavirus tasdiqlangan, shularning 60 ming nafari vafot etgan.
Mamlakat kasallanish darajasi bo‘yicha dunyoda yettinchi o‘rinda turadi. Ayni vaqtda, hukumat ma’lumotlariga ko‘ra, Turkiya aholisining qariyb yarmi koronavirusga qarshi to‘liq emlangan.
Mavzuga doir: Turkiyada COVID-19 tufayli yangi cheklovlar kiritiladi
“Dunyoda pandemiyaga tayyorgarlik ko‘rishga men kutganimdan ko‘ra kamroq e’tibor berilayotganidan biroz xavotirdaman”, — dedi milliarder.
Tegishlicha tayyorlanish uchun 100 kun ichida vaksina yaratishga o‘rganish va dunyo ehtiyojlarini qoplash uchun uni keyingi 100 kun ichida ishlab chiqarishga yetarli quvvatlarga ega bo‘lish kerak. Uning fikricha, bu vazifani bajarishning iloji bor.
Mavzuga doir: Bill Geyts Yevropa Ittifoqi va AQShning pandemiya boshida yo‘l qo‘ygan eng katta xatosini aytdi
- Jahon sog‘liqni saqlash tashkiloti (JSST) vaksinatsiya pasportlarini kiritishga qarshi chiqdi. Tashkilot fikricha, koronavirusga qarshi vaksina yetishmovchiligi sharoitida bunday pasportlarning joriy qilinishi diskriminatsiyalovchi chora hisoblanadi. Ammo kelajakda bunday hujjatlarni kiritish mumkin, dedi JSST bosh direktori Tedros Adanom Gebreyesus.
- Belarusda koronavirusning to‘rtinchi to‘lqini boshlangani haqida mamlakat Sog‘liqni saqlash vazirligi ma’lum qildi. Kasallik avj olishi munosabati bilan hukumat majlis o‘tkazib, virus tarqalishining oldini olish choralarini muhokama qildi.
- Yaponiyaning Kanagava prefekturasi Sagamixara shahrida Pfizer/BioNTech vaksinasidan yana yot moddalar topildi. Uchta punktdagi jami 18 doza vaksinada noma’lum oq modda zarralari aniqlangan. Bir kun avval esa Kamakura shahrida ham shunga o‘xshash holat qayd etilgan. Har ikkala shahar hukumatlari ishlab chiqaruvchiga murojaat qilib, tekshiruv o‘tkazishni so‘radi.
Izoh (0)