Жонс Ҳопкинс университети маълумотларига кўра, дунёда коронавирусга чалинганлар сони 225 778 167 кишини ташкил қилмоқда, шуларнинг 4 648 145 нафари вафот этган. Айни пайтгача қўлланган вакциналар дозаси эса 5,748 миллиардга яқинлашди.
Касалланганлар сони бўйича АҚШ (41,3 миллион), Ҳиндистон (33,2 миллион), Бразилия (21 миллион), Буюк Британия (7,3 миллион) ва Россия (7,07 миллион) етакчилик қилмоқда.
«2022 йил охиригача сайёранинг ҳар бир фуқароси коронавирусга қарши эмланиши учун дунё ҳамжамияти барча имкониятини ишга солиши керак», — деди БМТ Бош Ассамблеяси янги раиси Абдулла Шаҳид 14 сентябрь куни Бош Ассамблея 76-сессияси доирасидаги брифингда.
«Биз олдимизга қўйилган мақсадга — 2022 йил охиригача барча одамларни битта қолдирмай эмлашга эришиш учун БМТ Бош Ассамблеяси раиси қодир бўлган барча ишни қилмоқчиман», — деди у.
Айни пайтда Шаҳид 2022 йил бошида вакцина тенгсизлиги масаласи бўйича юқори даражада учрашув ташкил қилиб, унга дунё етакчилари ва экспертларини таклиф қилиш режалари ҳақида гапирди.
«Барчамиз ҳимояланмагунимизча хавфсизликда бўла олмаймиз», — деди Шаҳид.
Туркияда 13 сентябрь куни 27 802 кишида коронавирус аниқланди, бу 4 майдан буён кузатилган энг юқори кўрсаткичдир.The Guardian нашри маълумотларига кўра, шу куни ўлимлар сони бўйича ҳам қарийб рекорд кўрсаткич қайд этилган — 276 та.
Июль ўрталарида коронавирусга қарши чораларнинг аксарияти бекор қилинганидан буён Туркияда COVID-19 оқибатидаги ўлимлар сони кескин ошди.
Сўнгги маълумотларга кўра, 85,4 миллион аҳоли яшайдиган Туркияда пандемия бошидан буён 6,7 миллион кишида коронавирус тасдиқланган, шуларнинг 60 минг нафари вафот этган.
Мамлакат касалланиш даражаси бўйича дунёда еттинчи ўринда туради. Айни вақтда, ҳукумат маълумотларига кўра, Туркия аҳолисининг қарийб ярми коронавирусга қарши тўлиқ эмланган.
Мавзуга доир: Туркияда COVID-19 туфайли янги чекловлар киритилади
«Дунёда пандемияга тайёргарлик кўришга мен кутганимдан кўра камроқ эътибор берилаётганидан бироз хавотирдаман», — деди миллиардер.
Тегишлича тайёрланиш учун 100 кун ичида вакцина яратишга ўрганиш ва дунё эҳтиёжларини қоплаш учун уни кейинги 100 кун ичида ишлаб чиқаришга етарли қувватларга эга бўлиш керак. Унинг фикрича, бу вазифани бажаришнинг иложи бор.
Мавзуга доир: Билл Гейтс Европа Иттифоқи ва АҚШнинг пандемия бошида йўл қўйган энг катта хатосини айтди
- Жаҳон соғлиқни сақлаш ташкилоти (ЖССТ) вакцинация паспортларини киритишга қарши чиқди. Ташкилот фикрича, коронавирусга қарши вакцина етишмовчилиги шароитида бундай паспортларнинг жорий қилиниши дискриминацияловчи чора ҳисобланади. Аммо келажакда бундай ҳужжатларни киритиш мумкин, деди ЖССТ бош директори Тедрос Аданом Гебрейесус.
- Беларусда коронавируснинг тўртинчи тўлқини бошлангани ҳақида мамлакат Соғлиқни сақлаш вазирлиги маълум қилди. Касаллик авж олиши муносабати билан ҳукумат мажлис ўтказиб, вирус тарқалишининг олдини олиш чораларини муҳокама қилди.
- Япониянинг Канагава префектураси Сагамихара шаҳрида Pfizer/BioNTech вакцинасидан яна ёт моддалар топилди. Учта пунктдаги жами 18 доза вакцинада номаълум оқ модда зарралари аниқланган. Бир кун аввал эса Камакура шаҳрида ҳам шунга ўхшаш ҳолат қайд этилган. Ҳар иккала шаҳар ҳукуматлари ишлаб чиқарувчига мурожаат қилиб, текширув ўтказишни сўради.
Изоҳ (0)