O‘zbekiston Mustaqilligi kuni munosabati bilan har yili 1-sentabr kuni kechki soatlarda bayram mushakbozligi o‘tkaziladi. Bu yilgi bayram mushakbozligi tantanali ravishda ochilgan “Yangi O‘zbekiston” bog‘ida bo‘lib o‘tdi.
Toshkent viloyatining Qibray tumanidagi ushbu bog‘da mamlakat mustaqilligining 30 yilligiga bag‘ishlangan mushakbozlik soat 21:00 da boshlandi. Biroq ushbu bog‘ga olib boruvchi yo‘lda transport harakati 3 kunga — 31-avgustdan 2-sentabrgacha cheklangani sababli uni yaqindan ko‘rishning imkoni bo‘lmadi.
Shunga qaramay, aholi uzoqdan bo‘lsa-da bayram mushakbozligini tomosha qilish uchun to‘plandi.
Eslatib o‘tamiz, 2020-yilda koronavirus pandemiyasi sababli ushbu tadbir tashkillashtirilmagan edi.
Izoh (0)