Samarqandning Bulung‘ur tumanida joylashgan “Bulung‘ur buyum savdo kompleksi”da sodir bo‘lgan yong‘in bartaraf etildi, deb xabar bermoqda FVV matbuot xizmati.
Bulung‘ur tumani “Amir Temur” MFY Bulung‘urshoh ko‘chasida joylashgan ushbu savdo kompleksida yong‘in sodir bo‘layotganligi to‘g‘risidagi xabar FVBga 31-avgust kuni soat 23:16 da kelib tushgan.
Yong‘in joyiga 10 ta yong‘in-qutqaruv ekipaji jalb etilgan. Yong‘in soat 01:26 batamom o‘chirilgan. Yong‘in natijasida binoning ikkinchi qavatida bo‘lgan, “Bulung‘ur buyum savdo kompleks”ga qarashli 5 ta va unga tutash bo‘lgan 15 ta savdo do‘koni zararlangan.
Qayd etilishicha, hodisa oqibatida halok bo‘lganlar yo‘q. Yong‘in kelib chiqishining sababi va yetkazilgan moddiy zarar aniqlanmoqda. Holat yuzasidan tergovga qadar tekshiruv ishlari olib borilmoqda.
Izoh (0)