Ўзбекистон Мустақиллиги куни муносабати билан ҳар йили 1 сентябрь куни кечки соатларда байрам мушакбозлиги ўтказилади. Бу йилги байрам мушакбозлиги тантанали равишда очилган «Янги Ўзбекистон» боғида бўлиб ўтди.
Тошкент вилоятининг Қибрай туманидаги ушбу боғда мамлакат мустақиллигининг 30 йиллигига бағишланган мушакбозлик соат 21:00 да бошланди. Бироқ ушбу боғга олиб борувчи йўлда транспорт ҳаракати 3 кунга — 31 августдан 2 сентябргача чеклангани сабабли уни яқиндан кўришнинг имкони бўлмади.
Шунга қарамай, аҳоли узоқдан бўлса-да байрам мушакбозлигини томоша қилиш учун тўпланди.
Эслатиб ўтамиз, 2020 йилда коронавирус пандемияси сабабли ушбу тадбир ташкиллаштирилмаган эди.
Изоҳ (0)