Namangan viloyatida “VAZ-2106” avtomobili ariqqa tushib ketdi, deya xabar qilmoqda viloyat IIB axborot xizmati.
Qayd etilishicha, 2021-yil 24-avgust kuni soat 16:00 larda Haqqulobod—Uchqo‘rg‘on yo‘lining 12-kilometrida Uchqo‘rg‘on tumani “Sharxonchek” MFY hududida Uychi tumanida yashovchi, 1966-yilda tug‘ilgan fuqaro Namangan shahrida yashovchi, 1962-yilda tug‘ilgan fuqaro nomida bo‘lgan “VAZ-2106” rusumli avtomashinasini ishonch qog‘ozi bilan boshqarib borayotib, harakat xavfsizligini ta’minlay olmay, yo‘lning o‘ng tomoniga chiqib ketgan.
Buning oqibatida boshqaruvni yo‘qotib, ariqqa ag‘darilib ketgan.
Oqibatda haydovchi bosh miya yopiq shikasti, boldir suyagining yopiq sinishi tashxisi bilan tan jarohati olib, shifoxonada ko‘rsatilgan tez tibbiy yordamga qaramay vafot etgan.
Ushbu holat bo‘yicha Uchqo‘rg‘on tuman IIB huzuridagi TB tomonidan 2021-yil 26-avgust kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Izoh (0)