Наманганда «Жигули» ариққа тушиб кетиши оқибатида ҳайдовчи ҳалок бўлди

Наманган вилоятида «ВАЗ-2106» автомобили ариққа тушиб кетди, дея хабар қилмоқда вилоят ИИБ ахборот хизмати.

Қайд этилишича, 2021 йил 24 август куни соат 16:00 ларда Ҳаққулобод—Учқўрғон йўлининг 12-километрида Учқўрғон тумани «Шархончек» МФЙ ҳудудида Уйчи туманида яшовчи, 1966 йилда туғилган фуқаро Наманган шаҳрида яшовчи, 1962 йилда туғилган фуқаро номида бўлган «ВАЗ-2106» русумли автомашинасини ишонч қоғози билан бошқариб бораётиб, ҳаракат хавфсизлигини таъминлай олмай, йўлнинг ўнг томонига чиқиб кетган.

Бунинг оқибатида бошқарувни йўқотиб, ариққа ағдарилиб кетган.

Оқибатда ҳайдовчи бош мия ёпиқ шикасти, болдир суягининг ёпиқ синиши ташхиси билан тан жароҳати олиб, шифохонада кўрсатилган тез тиббий ёрдамга қарамай вафот этган.

Ушбу ҳолат бўйича Учқўрғон туман ИИБ ҳузуридаги ТБ томонидан 2021 йил 26 август куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.