Toshkentda Xalqaro migratsiyasi tashkiloti va AQShning Markaziy Osiyoda kasalliklar tarqalishi va profilaktika qilish tashkiloti (CDC) tomonidan Markaziy Osiyo mamlakatlari chegaralarida xavfli kasalliklar kirib kelishining oldini olish bo‘yicha ishchi guruhining ikkinchi amaliy uchrashuvi o‘tkazildi. Bu haqda Tashqi mehnat migratsiyasi agentligi xabar berdi.
Qayd etilishicha, DXX chegara qo‘shinlari, Davlat bojxona qo‘mitasi, Ichki ishlar, Transport vazirliklari, Davlat sanitariya va epidemiologiya markazi hamda Tashqi mehnat migratsiyasi agentligining mas’ul xodimlari ishtirok etgan tadbirda O‘zbekistonning 6 ta chegara o‘tkazish punktlarida xorijdan kirib kelayotgan va chiqib ketayotgan fuqarolar uchun yaratilgan qulayliklar, xavfsiz va tartibli profillashtirish jarayonlarini baholash yuzasidan 3 ta ishchi guruh va baholashni o‘tkazish kunlari tasdiqlandi.
Uchrashuv doirasida loyihaning umumiy qiymati va budjet me’yoridan kelib chiqib, chegara o‘tkazish punktlarida xavfli va yuqumli kasalliklarni aniqlash, tezkor amaliy ishlarni amalga oshirish bo‘yicha xaridlar va AQShning Markaziy Osiyoda kasalliklar tarqalishi va profilaktika qilish tashkiloti tomonidan amalga oshirilishi yuzasidan “xarid ro‘yxatlari” o‘rganib chiqildi.
Izoh (0)