Buxoro shahrida yer maydoni ajratib berish evaziga fuqarodan 10 ming dollar olgan shaxs qo‘lga olindi. Bu haqda “Daryo”ga Bosh prokuratura huzuridagi departamentning Buxoro viloyat boshqarmasi axborot xizmati ma’lum qildi.
Ta’kidlanishicha, Buxoro shahrida yashovchi I.S. fuqaro S.Sh.ga vakolatli tanishlari orqali Buxoro shahrida ko‘p qavatli uy-joy qurish uchun yer maydoni ajratib berishni va’da qilib, evaziga undan 10 ming dollar talab qilgan. I.S.ning xatti-harakatida ishonchsizlik sezgan S.Sh. holat bo‘yicha huquq-tartibot idoralariga murojaat qilgan.
Bosh prokuratura huzuridagi departamentning Buxoro shahar bo‘limi xodimlari, DXX hamda Milliy gvardiyaning viloyat boshqarmasi xodimlari hamkorligidagi tezkor tadbirda I.S. fuqaro S.Sh.dan 10 ming dollarni pora sifatida olayotganda, qo‘lga olingan.Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Qo‘qon shahar hokimining birinchi o‘rinbosari pora olayotganda qo‘lga olingani ma’lum qilindi
- Andijonda 3 ming dollar evaziga talabaning o‘qishini Toshkent davlat yuridik universitetiga ko‘chirib bermoqchi bo‘lgan shaxs ushlandi
- Samarqandda fuqaroni 17 ming dollar evaziga magistraturaga kiritib qo‘yishni va’da qilgan shaxs ushlandi
Izoh (0)