Buxoro tibbiyot institutiga o‘qishga kiritib qo‘yishni va’da qilib, fuqarodan 5600 dollar olgan andijonlik yigit qo‘lga olindi. Bu haqda “Daryo”ga Bosh prokuratura huzuridagi iqtisodiy jinoyatlarga qarshi kurashish departamentining Buxoro viloyat boshqarmasi xabar berdi.
Ta’kidlanishicha, mazkur holat Bosh prokuratura huzuridagi Buxoro shahar bo‘limi hamda DXX xodimlari tomonidan o‘tkazilgan tezkor tadbirda fosh etilgan.Andijon viloyatining Oltinko‘l tumanidagi “Kumakay” mahallasida yashovchi 29 yoshli V.Z. buxorolik fuqaro R.Sh.ning ishonchiga kirib, uni Qirg‘iziston davlati oliy ta’lim muassasasiga tanishlari orqali o‘qishga kiritib, keyinchalik uning o‘qishini Buxoro tibbiyot institutiga ko‘chirishga va’da bergan. V.Z. fuqaro R.Sh.dan xizmatlari evaziga 5600 dollar olayotgan paytda qo‘lga olingan.
Mazkur holat yuzasidan V.Z.ga nisbatan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga doir:
- Buxoroda og‘ir kasal ekanini aytib, fuqaro ishonchiga kirgan va uning plastik kartochkasidan salkam 1 mln so‘m yechib olgan qizga jinoyat ishi ochildi
- Andijonda 3 ming dollar evaziga talabaning o‘qishini Toshkent davlat yuridik universitetiga ko‘chirib bermoqchi bo‘lgan shaxs ushlandi
- Andijonda sud orqali yerdan foydalanish huquqini beruvchi qarorni chiqartirib berishni va’da qilib, 300 dollar olgan shaxs qo‘lga olindi
Izoh (0)