2021-yilning o‘tgan yetti oyi davomida Jizzax viloyati hududida 232 ta yo‘l-transport hodisasi sodir etilgan, deb xabar beradi IIV YHXBB axborot xizmati.
Viloyat IIB YHXB katta inspektori Erkin Ochilovning so‘zlariga ko‘ra, mazkur YTHlar oqibatida 74 kishi halok bo‘lgan. Shuningdek, 187 nafar fuqaro turli darajadagi tan jarohatlarini olgan.
Ushbu yo‘l-transport hodisalari natijasida Jinoyat kodeksining 266-moddasida nazarda tutilgan jinoyat ishi bo‘yicha jami 127 ta jinoyat ishi qo‘zg‘atilgan.
Avvalroq Farg‘onada o‘tgan yetti oy ichida velosipedchilar bilan sodir bo‘lgan YTHlar oqibatida 29 kishi vafot etgani, O‘zbekistonda olti oyda YTHlar oqibatida 104 nafar voyaga yetmagan bola halok bo‘lgani to‘g‘risida xabar berilgandi.
Izoh (0)