2021 йилнинг ўтган етти ойи давомида Жиззах вилояти ҳудудида 232 та йўл-транспорт ҳодисаси содир этилган, деб хабар беради ИИВ ЙҲХББ ахборот хизмати.
Вилоят ИИБ ЙҲХБ катта инспектори Эркин Очиловнинг сўзларига кўра, мазкур ЙТҲлар оқибатида 74 киши ҳалок бўлган. Шунингдек, 187 нафар фуқаро турли даражадаги тан жароҳатларини олган.
Ушбу йўл-транспорт ҳодисалари натижасида Жиноят кодексининг 266-моддасида назарда тутилган жиноят иши бўйича жами 127 та жиноят иши қўзғатилган.
Аввалроқ Фарғонада ўтган етти ой ичида велосипедчилар билан содир бўлган ЙТҲлар оқибатида 29 киши вафот этгани, Ўзбекистонда олти ойда ЙТҲлар оқибатида 104 нафар вояга етмаган бола ҳалок бўлгани тўғрисида хабар берилганди.
Изоҳ (0)