Toshkent viloyatida 2021-yilning o‘tgan davri mobaynida sodir bo‘lgan yo‘l-transport hodisalarining 47 foizi aynan tezlik oqibatida yuzaga kelgan. Bu haqda viloyati IIB YHXB axborot xizmati “Daryo”ga ma’lum qildi.
Ta’kidlanishicha, bu kabi hodisalarning sonini kamaytirish maqsadida Toshkent viloyatidagi avtomobil yo‘llarida 50 ga yaqin tezlikni me’yoridan oshirish qoidabuzarligini aniqlovchi fotoradarlar faoliyat yuritmoqda.
“Viloyat hududida yo‘l-transport hodisalari sodir bo‘lishi va ko‘p miqdorda jarima to‘lashlariga qaramasdan, ayrim haydovchilar Toshkent viloyati hududida 10 marotabadan ortiq fotoradarlar nigohiga tushmoqda”, — deyiladi xabarda.
Trailblazer transport vositasi haydovchisi 40 kun ichida 14 marotaba tezlikni me’yoridan oshirish qoidabuzarligini sodir etgan.
“GAZ 31029” rusumli transport vositasi haydovchisi 2021-yilda 18 marotaba tezlikni me’yoridan oshirish qoidabuzarligini sodir etgan.
Equinox rusumli transport vositasi haydovchisi 30 kun ichida 11 marotaba tezlikni me’yoridan oshirish qoidabuzarligini sodir etgan.
Captiva rusumli transport vositasi haydovchisi 40 kun ichida 9 marotaba tezlikni me’yoridan oshirish qoidabuzarligini sodir etgan.
Nexia rusumli transport vositasi haydovchisi 4 oy ichida 15 marotaba tezlikni me’yoridan oshirish qoidabuzarligini sodir etgan.
Ma’lumot uchun, Toshkent viloyati hududida 2020-yilning yanvar—noyabr oylarida fotoradarlar orqali jami 457 828 ta tezlikni me’yoridan oshirib, transport vositasini boshqarganlik holatlari aniqlangan.
Izoh (0)