Internetda omadi kelmasdan, tor ko‘chaga tiqilib qolgan Ferrari Roma superkarining videosi tarqaldi. Ta’kidlanishicha, ko‘ngilsiz hodisa Italiyada sodir bo‘lgan, ammo aynan qaysi shaharda ekanligi noma’lum, deb xabar beradi Motor.
Italiyaning tor ko‘chalari bo‘ylab harakatlanishga qaror qilgan haydovchi o‘lchamlari u qadar kichik bo‘lmagan avtomobilining hisobini to‘g‘ri ololmadi. Roma’ning uzunligi 4656 millimetrni, eni esa 1974 millimetrni tashkil etadi: ya’ni ikki eshikli mashina ikkala o‘lchami borasida ham Toyota RAV4 kabi.
Kadrlardan ko‘rish mumkinki, noma’lum erkak tiqilib qolgan haydovchiga yordam berishga uringan. Shundan so‘ng voqea joyiga bir ayol yugurib kelib, qo‘llari bilan imo-ishora qilishga kirishgan: aftidan, u mashina boshqa harakatlana olmasligini ko‘rsatishga uringan. Vaziyat qanday qilib bartaraf etilgani noma’lum, ammo Roma’ning kamida bo‘yoqlari tirnalgani aniq.
2019-yilda taqdim etilgan Ferrari Roma modeli Portofino platformasida yig‘ilgan. Italiya poytaxti sharafiga nomlangan kupe 620 ot kuchi va 760 Nm aylanuvchi momentni taqdim etishga qodir 3,9 litli V8 dvigateli yordamida harakatga keladi. Agregat o‘z navbatida sakkiz pog‘onali robot uzatmalar qutisi yordamida boshqariladi. Kupe soatiga 100 kilometr tezlikka 3,4 soniyada erishadi, maksimal tezligi — 320 kilometr/soat.
Avvalroq AQShda estakadaga urilgan yuk mashinasi uni deyarli 2 metrga siljitib yuborgani to‘g‘risida xabar berilgandi.
Izoh (0)