2021-yilning yanvar—iyun oylarida O‘zbekistonda yalpi ichki mahsulot (YaIM) hajmi joriy narxlarda 318,5 trillion so‘mni tashkil etgan — bu o‘tgan yilning mos davriga nisbatan 6,2 foizga ko‘proq deb xabar beradi Davlat statistika qo‘mitasi.
YaIM o‘sishiga qishloq, o‘rmon va baliqchilik xo‘jaligida 1,8 foiz, sanoatda 8,5 foiz, qurilishda 0,1 foiz va xizmatlar sohasida 8 foiz o‘sish hisobiga erishilgani qayd qilingan.
Hududlar kesimida yuqori o‘sish sur’atlari Toshkent shahri (14 foiz), Sirdaryo (12,3 foiz), Toshkent (7,8 foiz)va Qashqadaryo (7,7 foiz) viloyatlarida qayd etilgan.
Eslatib o‘tamiz, O‘zbekistonning yalpi ichki mahsuloti 2020-yilda 1,6 foizga o‘sgandi. Shuningdek, Jahon banki 2021-yilda O‘zbekiston iqtisodiyoti 4,8 foizga o‘sishini prognoz qildi. O‘zbekiston esa 2021-yilda iqtisodiy o‘sishni 5,1 foizga yetkazishni ko‘zlamoqda.
Izoh (0)