Jahongir Ortiqxo‘jayev uch yil ichida Toshkent iqtisodiyoti 2 baravarga o‘sgani haqida aytdi, biroq aslida unday emas

Toshkent shahar hokimi Jahongir Ortiqxo‘jayev 2-iyun kuni Amerikaning Crow Holdings kompaniyasi vakillari bilan uchrashdi, deb xabar berdi poytaxt hokimligi matbuot xizmatiga tayanib “Gazeta.uz”.

Hokim mehmonlarga so‘nggi uch yil ichida Toshkent iqtisodiyoti ikki baravar o‘sganligini aytdi (Jahongir Ortiqxo‘jayev shaharni 2018-yil aprelidan beri boshqarib kelmoqda). Unga ko‘ra, xuddi shu davrdagi qurilish ko‘lami o‘tgan 70 yil ichida qilingan ish hajmiga teng (nashr etilganidan bir muncha vaqt o‘tgach, ushbu izoh xabardan olib tashlandi).

Hokimning so‘zlariga ko‘ra, so‘nggi uch yil ichida poytaxtda 22 ta yerusti va 4 ta yerosti metro bekatlari qurilgan.

“Shuningdek, u xizmat ko‘rsatish sohasida ta’lim, tibbiyot, sport va gastronomik turizmni rivojlantirish bo‘yicha ishlar olib borilayotganini, shunda shahar sayyohlar uchun eng qulay va jozibali bo‘lib qolishini aytdi”, – deyiladi xabarda.

Davlat statistika qo‘mitasi ma’lumotlariga ko‘ra, aslida, Toshkent shahrining yalpi hududiy mahsuloti 2018-yilda 64,5 trillion so‘mni tashkil etgan (o‘sish – 11,1 foiz), 2019-yilda 86,1 trillion so‘m (o‘sish 8,4 foiz), 2020-yilda esa 97,5 trillion so‘m (o‘sish 1,8 foiz). Uch yil davomida YaHMning o‘sish sur’ati 22,6 foizni tashkil etdi (111,9 * 108,8 * 101,5 / 10000 – Davlat statistika qo‘mitasining formulasi).

Yalpi hududiy mahsulot (YaHM) – bu mintaqa rivojlanishining umumlashtirilgan ko‘rsatkichidir. YaIM – bu iqtisodiy mazmuni bo‘yicha YaIM bilan bir xil ko‘rsatkichdir, ya’ni u ma’lum bir mintaqaning rezidentlari bo‘lgan iqtisodiy birliklar tomonidan ishlab chiqarilgan mahsulot va xizmatlarning narxini aks ettiradi.

Bundan tashqari, Spot ma’lumotlariga ko‘ra, Toshkent mamlakatdagi eng ko‘p qurilish tashkilotlariga ega hudud. Unda 8339 qurilish tashkilot mavjud. Bu borada Farg‘ona viloyati ikkinchi o‘rinda (3385), Qashqadaryo viloyati uchinchi o‘rinda (3376).